Танилцуулга

Хангал Констракшн ХХК нь 2017 оноос модон барилгын зураг төсөл, барилга угсралт,мод боловсруулах үйлдвэрлэл болон барилгын материал худалдааны чиглэлээр үйлажиллагаа явуулж байна. Энэ хугацаанд бид хүний биед ээлтэй, эрчим хүчний хэмнэлттэй 200 гаруй амины орон сууц болон Helsinki, Wellington, Edmonton зэрэг 10 гаруй хотхон төслийг ашиглалтад оруулсан.

Мөн бид MCS, BSB, Boroo Gold LLC зэрэг групп, компани болон томоохон уурхайнзахиалгаар хотхон, аялал жуулчлалын отог, газар тариалангийн кемп гэх мэт стратегилогистикийн төсөл хөтөлбөрүүдийг амжилттай хэрэгжүүлсэн.

Өнөөгийн байдлаар Хангал Констракшн ХХК-ийн нэр дээр байгууллагын лого, уриа үг, брэнд, барилгын хийцэл зэрэг 10 гаруй зохиогчийн эрх, патентын гэрчилгээг эзэмшдэг. Mодон барилгын салбарт Чанарын Менежментийн Тогтолцоо ISO 9001:2016-г нэвтрүүлсэн анхдагч байгууллага юм.

АЛСЫН ХАРАА

Бид ХУБА брэндээр ялгаран модон барилгын тансаглал, тав тухыг хэрэглэгчидэдээ
мэдрүүлж 2030 онд Хангал төглийг байгуулна.

ЭРХЭМ ЗОРИЛГО

Бид хүнийг дээдэлж, эрүүл амьдрах орчинг эрхэмлэн, инженер инновацын төгс шийдлээр хэрэглэгчийн сэтгэл ханамжийг ямагт дээдлэн модон барилгын дэлхийн стандартыг Монголд хэрэгжүүлнэ.

УРИА

Үрдээ үлдээх үнэт хөрөнгийг тань бид бүтээнэ

ҮЙЛДВЭРЛЭЛ

Манай байгууллага ОХУ-н мод боловсруулах тэргүүлэх үйлдвэрүүдтэй албан ёсны дистрибьютерээр хамтран ажиллаж байгаа бөгөөд монголын цаг агаарын эрс тэс уур амьсгалд зориулан тусгайлан бэлтгэсэн чанарын стандартад нийцсэн наамал дүнз болон модон материалыг импортлон худалдаалж байна.

Мод боловсруулах vйлдвэр, мод хатаалгын камер, будгийн цех зэргийг барьж ашиглалтанд оруулан vйл жиллагаагаа өргөжvvлэн ажиллаж байгаа ба мод боловсруулах vйлдвэр нь сард 500м3 мод боловсруулах ,хатаалгын камер нь сард 200м3 мод хатаах хvчин чадалтай бөгөөд наамал дүнз, барилгын дотор, гадна хэрэглэгддэг модон бэлдэцvvдийг vйлдвэрлэж байна.

2021 оноос бетон зуурмагийн үйл ажиллагааг эхлүүлсэн ба БНХАУ-ын Shengda Machinery Equipment Manufacturing Co.,Ltd үйлдвэрлэсэн HZS35 маркийн шинэ тоног төхөөрөмжүүд бүхий уг бетон зуурмагийн узель нь цагт 30м3 бүтээгдэхүүн үйлдвэрлэх, жилд 100,000м3 бүтээгдэхүүн үйлдвэрлэх хүчин чадалтай юм.

БАРИЛГЫН ЗУРАГ ТӨСӨЛ

Холбогдох хууль тогтоомж, норм дүрэм стандартыг мөрдөн хэрэглэгчдийн хүсэл сонирхолд нийцсэн зураг төслийг гүйцэтгэж байна.

Бид:

Бүх төрлийн модон барилгын зураг төсөл
Амины орон сууцны хороололын ерөнхий төлөвлөгөө, видео танилцуулга
16 хүртэлх давхар орон сууц болон олон нийтийн барилгын зураг төсөл
Интерьер болон экстерьерийн зураг төсөл
Гадна тохижилт, ландшафт гэх зэрэг бүх төрлийн зураг төслийг боловсруулж байна.

БАРИЛГА УГСРАЛТ

Манай байгууллага нь наамал дүнз болон Канад технологийн модон араг бүтээцтэй барилгыг захиалагчийн хүссэн загвар дизайнаар, хэрэгцээ шаардлагад нийцсэн тав тухтай, инженерийн цогц шийдэл бүхий барилгыг чанарын өндөр түвшинд, түргэн шуурхайгаар түлхүүр хүлээлгэн өгөх нөхцөлөөр барьж гүйцэтгэж байна.

Наамал дүнз нь мод боловсруулах үйлдвэрт технологийн дагуу 8-10%-ийн чийгшилтэй хатаасан банзыг үйлдвэрийн дамжлагаар боловсруулан нааж, өргөн нь 160мм, 200мм, 240мм, урт нь 12м хүртэлх хэмжээтэйгээр үйлдвэрлэдэг бөгөөд ямарч дулаан алдагдалгүй, эвдрэл хагаралгүй, он удаан эдэлгээтэйгээрээ энгийн дүнзнээс ялгарна.

Канад технологийн модон каркасан барилга нь олон улсад хүлээн зөвшөөрөгдөж өргөн хүрээгээр ашиглагдсаар ирсэн. Стандартын дагуу баригдсан модон барилга нь хэрэглэгчийн тав тухыг хангаад зогсохгүй хүүхэд өсөж торних хамгийн эко, эрүүл орчин болж өгч үеэс үе дамжих үнэт хөрөнгө болж үлдэнэ.

Манай байгууллага Эрчим хүчний хэмнэлтийн тухай хууль, Барилгын эрчим хүчний гэрчилгээ олгох журмын дагуу БНбД 25-01-20 норматив баримт бичигт үндэслэн эрчим хүчний хэмнэлттэй, дулаан алдагдалгүй гэсэн шаардлагыг хангасан.

Энэхүү дүгнэлтэд үндэслэн манай барьж буй барилга нь технологийн дагуу баригддаг ба дулаан алдагдал маш багатай, эрчим хүчний хэмнэлттэй барилгыг захиалагчдад санал болгож байгаа юм.